Në kuadër të 80-vjetorit të themelimit të Kombeve të Bashkuara, koncerti “Better Together” sjell një mbrëmje reflektimi dhe frymëzimi, ku muzika dhe poezia ndërthuren për të përcjellë vlerat universale të paqes, dinjitetit, të drejtave të njeriut, drejtësisë dhe bashkëpunimit ndërkombëtar.Ky aktivitet, pjesë e Javëve Kulturore Ndërkombëtare, shënon një udhëtim artistik përmes pesë temave qendrore – Paqja dhe Jo Dhuna, Të Drejtat e Njeriut dhe Drejtësia, Dinjiteti dhe Barazia, Solidariteti Global dhe Shpresa për Gjeneratat e Ardhshme – duke përfshirë performanca muzikore nga stile të ndryshme, që variojnë nga muzika klasike dhe bashkëkohore deri te ajo tradicionale dhe ndërkulturore.Në skenë do të ngjiten muzikantë, poetë dhe artistë të fjalës së lirë, që do të sjellin një përvojë shumëdimensionale, ku arti bëhet urë midis kulturave dhe gjuhëve, duke reflektuar mbi rolin e përbashkët të njerëzimit në ndërtimin e një bote më të drejtë e paqësore.