Një shfaqje në nder të Naun Shundit, e cila u zhvillua si vepër në proces krijimi, para ndarjes së tij nga jeta. Teksti është shkruar nga autori Giuseppe Della Misericordia, ndërsa në interpretim merr pjesë aktori i njohur Bujar Asqeriu.

Ekspozita do të përmbledhë materiale të rralla historike mbi luftën dhe çlirimin e Kosovës: artikuj gazetareskë vendore e ndërkombëtarë, libra dhe kujtime personale të dëshmitarëve dhe luftëtarëve, fotografi dhe artefakte nga fronti dhe jeta në mërgim. Do të prezantohet edhe një dokumentar që do të ofrojë një rrëfim kronologjik dhe emocional mbi periudhën, duke shërbyer si mjet reflektimi për brezat e rinj. Pjesë e eventit është dhe nënshkrimi i marrëveshjes së bashkëpunimit midis Bibliotekës Kombëtare shqiptare dhe asaj kosovare.

Ekspozita do të paraqesë përpjekjet dhe arritjet e Ministrisë së Kulturës së Republikës së Kosovës në fushën e restaurimit e konservimit të monumenteve, përmes një përzgjedhjeje fotografish që ilustrojnë procesin e ndërhyrjeve në asetet e trashëgimisë kulturore në këto dy rajone.

“Zëri i Shpirtit Tim” është një koncert që shpreh thjeshtësinë, pastërtinë dhe sinqeritetin e botës së fëmijëve. Nën drejtimin e Sonila Babocit dhe me mbështetjen muzikore të Ingrid Pulizos, Kori i Zërave të Bardhë të TKOBAP-së paraqet një program që ndërthur veprat klasike, meloditë e njohura dhe muzikën e filmave, duke krijuar një përvojë artistike të cilën e përjetojnë dhe e vlerësojnë të gjitha moshat.

Filmi dokumentar “117” (1976), me regji të Besim Sahatçiut dhe fotografi të Afrim Spahiut, paraqet jetën e një familjeje shqiptare me 117 anëtarë që jetonin së bashku në një kullë në Nivokaz të Kosovës. Me një realizim të sinqertë dhe autentik, filmi sjell një pasqyrë të rrallë të traditës, harmonisë dhe bashkëjetesës së familjes shqiptare. Vepra ka vlerë të veçantë kulturore dhe antropologjike.

Teatri “Petro Marko” shënon 63 vite histori, art dhe vazhdimësi. Aktorë, artistë dhe miq të teatrit mblidhen për të nderuar rrugëtimin e një institucioni që ka lënë gjurmë në kulturën e Vlorës.

Ky koncert, nën drejtimin e dirigjentit Gridi Kraja, paraqet një bashkëpunim të veçantë mes dy orkestrave më të mëdha shqiptare, Orkestrës Simfonike të RTSH-së dhe Orkestrës Simfonike të TKOBAP-së, si dhe Korit të TKOBAP-së. Në këtë mbrëmje, ku muzika shndërrohet në histori dhe historia përjetohet në emocion, tingujt ikonë të filmave shqiptarë do të interpretohen në formë simfonike, duke rikthyer në skenë kohët dhe momentet që formësuan identitetin tonë artistik dhe kulturor. Biletat mund t’i merrni pranë biletarisë së TKOBAP.

Shfaqja “Shqipëri o nëna ime” do të sjellë në skenë bukurinë e traditës shqiptare përmes këngëve dhe valleve popullore, interpretuar nga ansambli kombëtar, duke festuar kulturën dhe identitetin tonë të pasur.

Koncert festiv me muzikë patriotike, valle tradicionale, interpretime polifonike, koreografi nga të rinjtë piktura të nxënësve dhe pjesëmarrje aktive e shkollave profesionale me konkurse dhe aktivitete tematike.

Performanca nga Cirku Kombëtar me rastin e Festës së Pavarësisë do të sjellë një ndërthurje magjike të elementeve akrobatikë, argëtues dhe spektakolarë për familje dhe fëmijë.

Në kuadër të Javës Kombëtare, Vlora shndërrohet në një qendër të gjallë të kulturës shqiptare. Ansamble nga Shqipëria, Kosova dhe Maqedonia e Veriut sjellin vallet, ritmet dhe traditat që na bashkojnë, duke krijuar një atmosferë plot ngjyra, energji dhe krenari.

Tirana do të shndërrohet në një galeri të hapur, ku arti do të marrë çdo formë dhe do të mbushë çdo hapësirë të qytetit: ekspozita, ndërhyrje urbane, performanca, lexime, shfaqje filmash, biseda, muzikë dhe shumë surpriza të tjera presin vizitorët për të krijuar një përvojë unike dhe të pasur me emocione

Khrais – Tërshana prezanton edicionin e parë të Crit Club në Tiranë, një format performancë-debate nga artisti Cem A.Në këtë edicion do të debatohet tema “A është tregu i mirë për artistët?” dhe do të zhvillohet një duel shpatash nga Filippo Brignoli dhe Mari Massimo.Një diskutim i rëndësishëm për studentët e artit në Ballkanin Perëndimor, që përballen me sfidat e tregut pas diplomimit.Për rezervime tek linku: https://khraistershana.artsvp.com/bbe1e0

Shfaqja “Martesa” është një rrëfim për përditshmërinë, një studim mbi njeriun e zhytur në ëndërr. Regjia nga Norbert Rakowski dhe në shfaqje luajnë: Armend Smajli, Shkëlzen Veseli, Ylber Bardhi, Mensur Safqiu, Sheqerie Buçaj, Era Balaj, Adhurim Demi

Në vitet ’90, në kushtet e dhunës dhe mungesës, gratë e Kosovës mbajtën gjallë familjet, protestuan dhe ruajtën përditshmërinë. Cikli fotografik “Kosovarja” i Afrim Hajrullahut dokumenton këto momente përmes imazheve të punës, kujdesit, marshimeve dhe eksodit. Fotot, të shkrepura në vendndodhje të ndryshme si Hasi, Peja dhe Prishtina, sjellin një dëshmi të qartë dhe të ndjeshme mbi rolin dhe qëndrueshmërinë e grave në atë periudhë.

Libri im i kujtimeve” paraqet një “kronikë të jetës muzikore” nga vitet ‘70 deri në 1999, parë nga perspektiva e autorit si kompozitor, dirigjent dhe publicist. Ai tregon ngjarje dhe kujtime personale, duke përfshirë shkrimet e tij që datojnë që nga viti 1975, ku përshkruan zhvillimet në jetën muzikore në kontekstin e kushteve politike, sociale dhe kulturore.

Grupi vokal “Zanat” sjell një program të përzgjedhur me interpretime vokale nga pesë artiste: Elonë Sadiku – soprano, Elida Kryeziu – soprano, Diellza Sylejmani – mezzosoprano, Albana Piperku – alto, Arstina Kelmendi – alto.Me shoqërim nga Pranvera Hoxha (piano) dhe Patris Berisha (perkusion).