Grupi “Silesianie” , i cili ka performuar në rreth 800 koncerte në mbarë botën dhe ka marrë pjesë në më shumë se 80 festivale ndërkombëtare të folklorit, do të sjell një performancë të pasur me valle tradicionale polake, ku do të prezantojnë një përzgjedhje të ndryshme vallesh karakteristike, përfshirë “Polonez”, një valle e cila është e regjistruar në listën e UNESCO-s si pjesë e trashëgimisë kulturore të njerëzimit. Ky grup i ri do të bashkëpunojë ngushtësisht me Ansamblin Kombëtar të Shqipërisë, për të mësuar dhe performuar së bashku vallen polake “Trojak”, një përvojë e cila do të jetë një mundësi unike për të thelluar lidhjet kulturore midis dy vendeve. Pjesë e këtij shkëmbimi kulturor do të jetë gjithashtu mësimi dhe interpretimi i valleve tradicionale shqiptare, duke u mundësuar anëtarëve të grupit të përjetojnë dhe vallëzojnë në ritmet e kulturës shqiptare.