Ekspozita e Fustanëve prezanton një fustan unik krijuar nga flamujt e vendeve ku orientimi queer ende është krim. Me kalimin e kohës, flamujt e vendeve që dekriminalizojnë queer-in zëvendësohen nga rainbow, duke e bërë fustanin një vepër arti e gjallë që simbolizon përparimin dhe sfidat e vazhdueshme.Ekspozita përfshin 30 fotografi nga nëntë vitet e fundit dhe do të shoqërohet me vizitë të udhëhequr nga Arnout Van Krimpen dhe diskutim të hapur, duke lidhur historinë globale të fustanit me biseda lokale mbi të drejtat e njeriut dhe diversitetin.

Ky aktivitet ofron dy perspektiva të veçanta dhe komplementare mbi lidhjen mes kujtesës, traditës dhe inovacionit. Kuratorja Kim Knoppers eksploron konceptin e kurimit transhistorik, duke e parë të kaluarën, të tashmen dhe të ardhmen si cikle të ndërlidhura, dhe thekson rolin e qendisjes dhe tekstileve si mjete për të ruajtur kujtime, për të ushqyer rezistencën, për të nxitur shërimin dhe për të forcuar komunitetin. Ajo bazon prezantimin e saj në përvojat kuratoriale të ekspozitave të saj.Në anën tjetër, dizajnerja industriale holandezo-shqiptare Felice Emanuels tregon sesi motivet tradicionale shqiptare të qendisjes rimendohen dhe transformohen në tekstile bashkëkohore përmes teknologjive moderne të dizajnit industrial holandez. Prezantimi i saj thekson mënyrën se si tradita mund të bashkohet me inovacionin.